Kandidati për kryeministër nga Lidhja Demokratike e Kosovës (LDK), Lumir Abdixhiku, do të prezantojë sot listën me 110 kandidatë për deputetë, si dhe programin politik qeverisës të partisë. Prezantimi do të mbahet nga ora 18:00, në AMC.

Sipas Abdixhikut, lista e kandidatëve përbëhet nga një ekip që, siç thotë ai, e di pse garon dhe për kë punon, ndërsa programi politik përfaqëson një vizion të bazuar në normalitet, zhvillim, drejtësi dhe shpresë reale për çdo qytetar.

“Lista 123, është një listë e njerëzve me integritet, dije dhe përvojë; një ekip i ndërtuar për shtet, jo për propagandë. Një ekip që e di pse garon dhe për kë punon. Në këtë mbrëmje do të shpalosi edhe Programin Politik tonin si dhe vizionin tim për Kosovën; një vizion të bazuar në normalitet, zhvillim, drejtësi dhe shpresë reale për secilin qytetar. Ju ftoj të jeni pjesë e këtij momenti të rëndësishëm. Të jemi bashkë për Kosovën që duam”, thuhet në njoftim./Arbresh.info